Orban: Siyartonun telefonunun dinlənilməsi Macarıstana qarşı ciddi hücumdur

Macarıstanın Ədliyyə Nazirliyinə tapşırılıb ki, xarici işlər naziri Peter Siyartonun telefonunun dinlənilməsini araşdırsın.

APA xəbər verir ki, bu barədə Macarıstanın Baş naziri Viktor Orban öz “Facebook” səhifəsində paylaşım edib.

“Ədliyyə Nazirliyinə dərhal istintaq aparmağı tapşırmışam. Bu istintaq, lazım gələrsə, cinayət xarakteri daşıya bilər”, - Baş nazir bildirib.

Qeyd edək ki, buna səbəb hökumətə yaxın “Mandiner” nəşrində xarici ölkələrdən birinin ölkənin xarici işlər nazirinin telefon danışığını dinləməsi ilə bağlı məqalə olub.