Zelenski Böyük Britaniyanın müdafiə naziri ilə Ukraynanın silahlanmasını müzakirə edib

Ukrayna Prezidenti Vladimir Zelenski Böyük Britaniyanın müdafiə naziri Qrant Şapps ilə görüşüb.

APA xəbər verir ki, bu barədə Zelenski "Telegram" kanalında məlumat yayıb.

Görüşdə Ukrayna Silahlı Qüvvələrinin keçmiş baş komandanı Valeriy Zalujnının Londona səfir təyin edilməsi, eləcə də Ukrayna ordusunun uzaqmənzilli raketlərdən imkanları müzakirə olunub.

“Biz ölkələrimiz arasında müdafiə sahəsində əməkdaşlığın davam etdirilməsini müzakirə etdik. Əsas diqqət hava hücumundan müdafiənin gücləndirilməsinə, ordumuzun uzaqmənzilli rketlərlə təmin olunma imkanlarına, silah və sursata digər təcili ehtiyacların ödənilməsinə yönəlib”, - deyə Ukrayna lideri bildirib.

Zelenski həmçinin əlavə edib ki, Şapps ilə söhbətin mövzularından biri də silahların birgə istehsalı olub.