Çində restoranda baş verən partlayışda ölənlərin sayı artıb

Çinin Hebey əyalətindəki restoranda baş verən partlayışda ölənlərin sayı artıb.

APA xəbər verir ki, bu barədə Çin Mərkəzi Televiziyası məlumat yayıb.

Sanhe şəhərindəki restoranda baş verən hadisədə ölənlər yeddi, yaralılların sayı isə 27 olub.

Hadisə nəticəsində yaxınlıqdakı bir çox avtomobilə ziyan dəyib.

Partlayışın dalğası qonşu binaların aşağı mərtəbələrində şüşələri sındırıb.

Daha əvvəl iki nəfərin öldüyü, 26 nəfərin yaralandığı barədə məlumat verilmişdi.