İtaliya ordusunun minaaxtaran gəmiləri Hörmüz boğazına doğru yola çıxıb

İtaliya, ABŞ, İsrail və İran arasındakı münaqişədə mümkün davamlı atəşkəs və sülh ümidi ilə Hörmüz boğazında dəniz təhlükəsizliyini təmin etmək üçün hazırlıqlara başlayıb və bölgəyə iki minaaxtaran gəmi göndərib.

APA xəbər verir ki, məlumata görə, Roma hökuməti mümkün beynəlxalq missiya halında sürətli müdaxiləni təmin etmək üçün əraziyə yaxın bir yerə iki minaaxtaran gəmi yerləşdirir.

İtaliyanın ANSA agentliyinin təhlükəsizlik mənbələrinə istinadən verdiyi məlumata görə, İtaliya Hərbi Dəniz Qüvvələrinin "Crotone" və "Rimini" minaaxtaran gəmiləri Siciliyanın Augusta limanından yola düşüb.

Gəmilərin əvvəlcə Süveyş kanalından keçərək Qırmızı dənizə girəcəyi və Cibutiyə çatacağı bildirilir.

Bu hazırlığın məqsədi Hörmüz boğazında mümkün mina təmizləmə və keçidin təhlükəsizliyi əməliyyatlarında sürətli iştirakı təmin etməkdir.