Monteneqro 2028-ci ildə Aİ-yə üzv ola bilər

Monteneqronun 2028-ci ildə Avropa İttifaqının tamhüquqlu üzvünə çevrilməsi real hədəf hesab olunur.

APA xəbər verir ki, Tivatda keçirilən sammitdən sonra Avropa Şurasının Prezidenti Antonio Koşta, Avropa Komissiyasının Prezidenti Ursula fon der Lyayen və Monteneqro Prezidenti Yakov Milatoviç bu məqsədə sadiqliklərini təsdiqləyiblər.

Milatoviç bildirib ki, 2028-ci ildə Aİ üzvlüyü ölkənin əsas milli layihəsidir.

“Bu hədəfin real və əldəolunan olduğuna tam əminəm”, – deyə o vurğulayıb.

Antonio Koşta isə Qərbi Balkanların Aİ-yə inteqrasiyasının Birliyin əsas prioritetlərindən biri olduğunu qeyd edib.