AFP: "Airbus A380" təyyarələrində çatlar aşkarlanıb

Avropa Aviasiya Təhlükəsizliyi Agentliyi (EASA) Airbus A380 tipli 16 sərnişin təyyarəsinin yoxlanılmasını tələb edib.

Bu barədə "Agence France-Presse" məlumat yayıb.

Məlumata görə, yoxlamalara səbəb təyyarələrdən birinin qanad konstruksiyalarında çatların aşkar olunması olub.

Yoxlanılmalı təyyarələrdən 15-i Emirates, biri isə Avstraliyanın Qantas aviaşirkətinə məxsusdur. EASA Emirates-ə məxsus beş təyyarənin növbəti uçuşdan əvvəl təcili yoxlanılmasını tələb edib.

Airbus şirkətinin açıqlamasına görə, aşkar edilən çatlar qanadın konstruktiv bütövlüyünə təhlükə yarada bilər.