Yevlaxda orta məktəbdə mülki müdafiə məşqi keçirilib - VİDEO

Fövqəladə Hallar Nazirliyinin Aran Regional Mərkəzi tərəfindən Yevlax rayon Rövşən Rzayev adına Qoyunbinəsi kənd tam orta məktəbində nümunəvi mülki müdafiə məşqi keçirilib.

APA FHN-ə istinadən xəbər verir ki, məşqin keçirilməsində məqsəd mülki müdafiə üzrə tədbirlər planının reallığının yoxlanılması, məktəb kollektivinə mülki müdafiə sahəsində müvafiq biliklərin və əməli vərdişlərin aşılanması olub.

Tədbirin nəzəri hissəsində məktəb kollektivinə mülki müdafiənin əsas prinsipləri, fovqəladə hallar və bununla bağlı davranış qaydaları barədə ətraflı məlumat verilib.

Praktiki hissədə isə baş vermiş şərti fövqəladə hadisə ilə əlaqədar məktəb kollektivinin təxliyəsi, “zərərçəkmişlərə ilkin yardımın göstərilməsi” və digər əməliyyatlar icra olunub.

Uğurla keçən məşqdən sonra əldə edilmiş nəticələr müzakirə olunub, aidiyyəti üzrə tapşırıqlar verilib.