Çində daşqınlarda azı 39 nəfər ölüb

Çinin Quanqsi-Çjuan Muxtar Rayonunda baş verən güclü daşqınlar nəticəsində azı 39 nəfər həlak olub, daha 9 nəfər itkin düşmüş hesab edilir.

“Sinxua”nın xəbərinə görə, bölgədə daşqınlara səbəb leysan yağışları olub.

Vəziyyət Hencjou qəzasında yerləşən Lyulan su anbarının bəndinin dağılmasından sonra daha da ağırlaşıb.

Çinin Mərkəzi Televiziyasının məlumatına görə, təbii fəlakətdən ümumilikdə 375 min nəfər zərər çəkib. Bundan başqa, bir neçə su anbarının bəndlərinə ziyan dəyib.