Peskov Mertsin Rusiya olmadan Ukrayna üçün zəmanətlərin hazırlanması açıqlamasını tənqid edib

Ukrayna üçün təhlükəsizlik zəmanətləri Rusiyanın iştirakı olmadan formalaşdırıla bilməz.

APA-nın Moskva müxbiri xəbər verir ki, bunu Kremlin rəsmi nümayəndəsi Dmitri Peskov Almaniya Kansleri Fridrix Mertsin Rusiyanın bu məsələnin müzakirəsində iştirak etməməsi barədə açıqlamasını şərh edərkən bildirib.

O qeyd edib ki, Rusiyanın iştirakı olmadan Ukrayna üçün təhlükəsizlik zəmanətləri formalaşdırmaq mümkün deyil.

"Əgər bu mövqe qəti şəkildə saxlanılırsa və onlar israr edirlərsə, bu, Avropa ölkələrinin nizamlama prosesində iştirak etmə ehtimalını tamamilə istisna edir", - Kremlin sözçüsü vurğulayıb.