Naxçıvan əhalisinin sayı açıqlanıb

1 aprel 2024-cü il tarixə Naxçıvan Muxtar Respublikasında əhalinin sayı bir il öncəyə nisbətən 2780 nəfər və ya 0,6 faiz artaraq 469061 nəfər olub.

Bu barədə APA-nın Naxçıvan bürosuna Naxçıvan Muxtar Respublikası Dövlət Statistika Komitəsindən bildirilib. Həmçinin qeyd edilib ki, 2024-cü ilin yanvar-mart aylarında muxtar respublikada orta aylıq nominal əməkhaqqı 766,7 manat olub ki, bu da 2023-cü ilin müvafiq dövrü ilə müqayisədə 18,9 faiz çoxdur.