Metroda qatarların hərəkəti bərpa olunub - YENİLƏNİB-4

"Xətlər üzrə yubanma 1 saata yaxın olub. Hazırda xətlər üzrə qatarların hərəkəti ilə bağlı hər hansısa ciddi problem yoxdur."

Bu barədə APA-ya "Bakı Metropoliteni" Qapalı Səhmdar Cəmiyyətinin Mətbuat xidmətinin rəhbəri Bəxtiyar Məmmədov məlumat verib.

***

13:52

"Bakı Metrosunda qatarların hərəkəti bərpa olunub".

Bu barədə APA-ya "Bakı Metropoliteni" Qapalı Səhmdar Cəmiyyətinin Mətbuat xidmətinin rəhbəri Bəxtiyar Məmmədov məlumat verib.

O deyib ki, hazırda xətlərdə intervalların bərpa olunması istiqamətində operativ tədbirlər görülür:

"Hadisə zamanı stansiyaya daxil olan qatar xətdən çıxarılıb, "Nərimanov" elektrik deposuna göndərilib. Əvəzinə depodan qatar verilib. Sərnişin xarici görkəminə görə 65-70 yaş arasıdır və cinsi kişidir"

***

13:43

"28 May" stansiyasına qatar yoluna düşən sərnişin ölüb”.

Bu barədə APA-ya "Bakı Metropoliteni" Qapalı Səhmdar Cəmiyyətinin Mətbuat xidmətinin rəhbəri Bəxtiyar Məmmədov məlumat verib.

Bundan başqa o bilidirib ki, hal-hazırda bəzi stansiyalara sərnişinlərin daxil ola bilməməsi ilə bağlı məlumatlar var:

"Bu da mövcud vəziyyətlə əlaqədardır. Qısa müddət ərzində hərəkət bərpa olunacaq".

***

13:18

"28 May" stansiyasına qatar daxil olanda, sərnişin stansiya yoluna düşüb. Xətlərdə yubanma var”.

Bu barədə APA-ya "Bakı Metropoliteni" Qapalı Səhmdar Cəmiyyətinin Mətbuat xidmətinin rəhbəri Bəxtiyar Məmmədov məlumat verib.

O deyib ki, bu barədə əlavə məlumat veriləcək.