Birinci Qarabağ müharibəsində şəhid olan Abış Məmmədovun qalıqları Qaradağda dəfn olunub - FOTO

Birinci Qarabağ müharibəsində itkin düşdüyü ehtimal edilən, 31 ildən sonra dəfn yeri və kimliyi müəyyən edilən şəhid Məmmədov Abış Əsgər oğlunun qalıqları ailəsinə təhvil verilib.

APA xəbər verir ki, şəhid Abış Məmmədovla Qaradağ rayonu Qızıldaş qəsəbəsində ailəsinin yaşadığı evdə vida mərasimi keçirilib.

Şəhidin qalıqları Qızıldaş qəsəbəsindəki Şəhidlər xiyabanında torpağa tapşırılıb.

Qeyd edək ki, Birinci Qarabağ müharibəsində itkin düşdüyü ehtimal edilən Abış Məmmədovun Füzuli rayonunda naməlum şəhid kimi dəfn olunduğu aşkarlanıb və kimliyi müəyyən edilib.