İrəvan Aİİ-yə Rusiyanın Ermənistan məhsullarının idxalına qoyduğu məhdudiyyətlərdən şikayət verib

İrəvan Avrasiya İqtisadi İttifaqına Rusiyanın Ermənistan mallarının idxalına tətbiq etdiyi məhdudiyyətlərdən şikayət verib.

“Armenpress” xəbər verir ki, bu barədə Ermənistan iqtisadiyyat nazirinin müavini Tiqran Qasparyan bildirib.

Onun sözlərinə görə, məsələ təkcə Ermənistan-Rusiya təmasları çərçivəsində deyil, həm də ticarət maneələrinin aradan qaldırılması mexanizmlərinin mövcud olduğu Aİİ çərçivəsində nəzərdən keçirilir.

Ermənistanda hesab edirlər ki, tətbiq olunan məhdudiyyətlər Aİİ çərçivəsində qüvvədə olan saziş və prinsiplərə uyğun deyil.