“Politico”: Aİ ölkələri qışda rekord həcmdə qaz çatışmazlığı ilə üzləşə bilər

Avropa İttifaqı (Aİ) ölkələri qarşıdan gələn qışda 14 milyard kubmetrə qədər təbii qaz çatışmazlığı ilə üzləşə bilər. Bu, birliyin illik qaz tələbatının təxminən 7 faizinə bərabərdir.

Bu barədə “Politico” nəşri Enerji İqtisadiyyatı və Maliyyə Təhlili İnstitutunun (IEEFA) hesabatına istinadən məlumat yayıb.

Hesabata görə, Avropanın qaz anbarlarında ehtiyatların səviyyəsi oktyabrın əvvəlində 2011-ci ildən bəri ilin bu dövrü üçün ən aşağı həddə olub. Oktyabrın 3-nə anbarlar cəmi 72,4 faiz dolu idi.

Qaz çatışmazlığının səbəbləri arasında İrandakı müharibənin qlobal enerji təchizatına təsiri, qaz qiymətlərinin yüksəlməsi və Avropada ehtiyatların azalması göstərilir.