ABŞ Rusiyadan dizel yanacağının idxalını artıra bilər

ABŞ gələcəkdə Rusiyadan əlavə dizel yanacağı tədarükünü həyata keçirə bilər.

CNBC telekanalının məlumatına görə, bunu ABŞ-ın energetika naziri Kris Rayt bildirib.

Nazir Rusiyadan dizel yanacağı daşıyan yeni tankerlərin ABŞ-a göndərilib-göndərilməyəcəyi barədə suala cavab verərkən belə bir ehtimalın yüksək olduğunu deyib.

“Bu, kifayət qədər mümkündür”, – deyə Rayt qeyd edib.

Xatırladaq ki, oktyabrın 9-da Rusiya Prezidenti Vladimir Putinlə ABŞ Prezidenti Donald Tramp arasında telefon danışığı olub. Tərəflər digər məsələlərlə yanaşı, neft məhsullarının tədarükünü də müzakirə ediblər.

Putin həmin danışıqlardan sonra Moskvanın ABŞ və dünya bazarlarına neft və neft məhsulları tədarük etməyə hazır olduğunu təsdiqlədiyini bildirib.