“Titanik”dən sağ çıxan qadının brilyant üzüyü 145 min dollara satılıb

“Titanik”dən sağ çıxan qadının brilyant üzüyü 145 min dollara satılıb

Tarix: 22 Nov 2026 01:05

1912-ci ildə batan “Titanik” gəmisindən sağ çıxan məşhur sərnişinlərdən biri, britaniyalı modelyer Lüsi Daff-Qordona məxsus brilyant üzük hərracda 110 min funt-sterlinqə (təxminən 145 min dollar) satılıb.

APA xəbər verir ki, bu barədə “Henry Aldridge & Son” hərrac evi məlumat yayıb.

Məlumata görə, üzüyün vaxtilə modelyerə nişan hədiyyəsi olaraq verildiyi ehtimal edilir.

Qiymətli zinət əşyası onilliklər ərzində Daff-Qordon ailəsində qorunub və nəsildən-nəslə ötürülüb.

Adı açıqlanmayan alıcıya üzüklə birlikdə onun mənşəyini təsdiqləyən məktub və Birmingem Əyar Palatası tərəfindən verilmiş brilyant sertifikatı da təqdim olunub.

Hərracda həmçinin Daff-Qordon ailəsinin “Titanik” faciəsindən sonra onları xilas edən “Karpatia” gəmisinin xəzinədarı Ernest Brauna təşəkkür əlaməti olaraq hədiyyə etdiyi siqaret qabı 24 min funt-sterlinqə (təxminən 31 min dollar) satılıb.

Titanik Lucy Duff-Gordon Lüsi Daff-Qordon brilyant üzük hərrac 145 min dollar Henry Aldridge & Son Karpatia

Mənbə: apa.az

Xəbər Lenti