ABŞ-ın neft kommersiya ehtiyatları azalıb - PROQNOZ

Ötən həftənin yekunlarına görə, ABŞ-ın kommersiya neft ehtiyatları 2 349 min barel azalaraq, təxminən 442 682 min barel təşkil edib.

Bu barədə "APA-Economics" Amerika Neft İnstitutunun (API) proqnozlarına istinadən xəbər verir.

Qeyd olunur ki, analitiklər isə ABŞ-ın kommersiya neft ehtiyatlarının 1 500 min barel azalacağını proqnozlaşdırıb.

Xatırladaq ki, ABŞ-nin neft ehtiyatları haqqında məlumatlar dünya bazarında "qara qızıl"ın qiymətinə əhəmiyyətli dərəcədə təsir edir.