AMB və EBRD yerli pul bazarları haqqında müzakirə aparıb

Azərbaycan Mərkəzi Bankının (AMB) sədri Taleh Kazımov Avropa Yenidənqurma və İnkişaf Bankının (AYİB) xəzinədarı Axel van Nederveenin rəhbərlik etdiyi nümayəndə heyəti ilə görüşüb.

“APA-Economics” xəbər verir ki, bu barədə AMB-nin sədri Taleh Kazımov “X” hesabında bildirib.

“Görüş zamanı AYİB-in Azərbaycandakı fəaliyyəti, Mərkəzi Bank və AYİB arasında əməkdaşlığın cari vəziyyəti və gələcək perspektivləri ilə bağlı məsələləri müzakirə etdik, yerli pul bazarları haqqında fikir mübadiləsi apardıq”, - deyə baş bankir paylaşımda bildirib.