Azərbaycanda kənd təsərrüfatının istehsal həcminin 90%-i sığortalanmayıb

"Hazırda Aqrar Sığorta Fondunun topladığı sığorta haqqları ümumi kənd təsərrüfatının istehsal həcminin 10%-ni əhatə edir. Yəni 90%-lik istehsal həcmi hələ də sığortalanmayıb".

“APA-Economics” xəbər verir ki, bunu Aqrar Sığorta Fondunun İdarə Heyətinin sədri Fuad Sadıqov jurnalistlərə açıqlamasında bildirib.

O deyib ki, fermerlər könüllü müraciət edərək öz risklərini sığorta edə bilərlər: "Biz sığorta hadisəsi baş vermiş 100 istehlakçıdan 75-nə sığorta ödənişi vermişik".