Külək Gəncənin mərkəzində Yeni illə bağlı qurulan şam ağacını aşırıb - VİDEO - YENİLƏNİB

Güclü külək Gəncədə fəsadlar törədib.

APA-nın yerli bürosu xəbər verir ki, Gəncənin bəzi hissələrində elektrik enerjisinin verilməsi dayandırılıb, bir neçə yerdə ağaclar aşıb. Həmçinin, külək Gəncənin mərkəzi meydanında Yeni il bayramı ilə əlaqədar quraşdırılan şam ağacını aşırıb. Xəsarət alan olmayıb.

Qısapanma səbəbindən şəhərdə transformatorlardan birində yanğın olub. Əraziyə Fövqəladə Hallar Nazirliyinin yanğınsöndürən maşınları cəlb olunub.

Hazırda küləkli hava şəraiti davam edir.

***

18.41

Güclü külək Gəncədə bir sıra fəsadlar törədib.

APA-nın yerli bürosunun məlumatına görə, axşam saatlarında başlayan külək şəhərin bir neçə küçəsində iri gövdəli ağacları aşırıb. Adiyyatı qrumların əməkdaşları ərazilərə cəlb olunub. Bundan başqa, şəhərin bəzi yerlərində elektrik enerjisinin verilişi dayandırılıb.

Hazırda qərb bölgəsində güclü külək davam edir.