Qazaxıstanda mədən işçilərini daşıyan avtobus dərəyə yuvarlanıb

Qazaxıstanda Pavlador vilayətində mədən işçilərini daşıyan avtobus şaxta yaxınlığındakı dərəyə yuvarlanıb.

APA xəbər verir ki, bu barədə ölkənin Fövqəladə Hallar Nazirliyinin mətbuat xidməti məlumat yayıb.

Avtobusda 3 xilasedici və bir sürücünün olduğu bildirilib. Operativ qərargah təşkil olunub. Hadisə yerinə cəlb edilən xilasedicilər axtarış-xilasetmə işləri həyata keçirir.

Hadisə şahidlərindən birinin sözlərinə görə, qəza zamanı zəif partlayış səsi eşidilib. Mədəndə çalışan 33 şaxtaçı təxliyə edilib, onların həyatı üçün təhlükə yoxdur.