KİV: Qətər Qırmızı dənizdəki vəziyyətə görə Avropaya LNG tədarükünü gecikdirir

Qırmızı dənizdəki münaqişənin tədarük müddətini artırması ilə əlaqədar Qətər Avropaya mayeləşdirilmiş təbii qaz (LNG) tədarükünü gecikdirir.

“APA-Economics” xəbər verir ki, bu barədə “Bloomberg” mənbələrə istinadən məlumat yayıb.

Qeyd olunub ki, Doha avropalı müştərilərə çatdırılmaların gecikmələri və vaxtının dəyişdirilməsi barədə məlumat verib.

Agentliyin məlumatına görə, yanvarın 15-dən Qətər Avropaya gedən təxminən altı gəmini daha uzun bir marşruta (Afrikanın cənubundakı Ümid burnu vasitəsilə) istiqamətləndirib.