AMB sədri 2026–2027-ci illər üzrə iqtisadi artım proqnozlarını açıqlayıb

2026-cı ildə Azərbaycanda ümumi daxili məhsul (ÜDM) artımı 2,4%, qeyri-neft-qaz sektoru üzrə ÜDM-in artımı isə 4% səviyyəsində proqnozlaşdırılır.

“APA-Economics” xəbər verir ki, bunu bu gün keçirdiyi mətbuat konfransında Azərbaycan Mərkəzi Bankının sədri Taleh Kazımov bildirib.

Onun sözlərinə görə, 2027-ci ildə isə ÜDM üzrə artımın 2,9%, qeyri-neft-qaz sektoru üzrə ÜDM-in artımının isə 4,3% təşkil edəcəyi gözlənilir.