Apreldə Rəşt-Astara dəmir yolunun tikintisinə başlanılacaq

Rusiya və İran aprelin 1-də Rəşt-Astara dəmir yolu layihəsinin tikintisinə başlayacaq.

APA-nın Moskva bürosu xəbər verir ki, bu barədə Rusiyanın energetika naziri Sergey Tsivilev bildirib.

O qeyd edib ki, tərəflər layihənin başlanmasını gecikdirən bütün mübahisəli məsələləri həllinə nail ola bilib.

Tsivilyevin sözlərinə görə, Rusiya və İran Şimal-Cənub Beynəlxalq Nəqliyyat Dəhlizinin bir hissəsi kimi dəmir yolunun tikintisi ilə bağlı demək olar bütün məsələləri, o cümlədən torpaqların alınması və imtiyazların alınması məsələlərini həll ediblər: “Tərəflər hazırda Rusiya şirkətlərinin İranda günəş və külək enerjisi stansiyalarının tikintisi layihələrində iştirak perspektivlərini müzakirə edirlər”.