Bəhreyn Qəzza üçün rəqəmsal hökumət xidmətləri platforması yaratmağı təklif edib

Bəhreyn Qəzza zolağı üçün rəqəmsal hökumət xidmətləri platforması yaratmaq məqsədilə lazımi infrastruktur və mütəxəssisləri təmin etməyə hazırdır.

APA xəbər verir ki, bu barədə Bəhreyn kralı Şeyx Həməd bin İsa Əl-Xəlifə bildirib.

"Bu gün Qəzza üçün effektiv rəqəmsal hökumət xidmətləri platforması yaratmaq üçün lazımi infrastruktur və təcrübə təmin etməyə hazır olduğumuzu elan edirik", - o, “Sülh Şurası”nın ilk iclasında çıxışı zamanı deyib.