BMT ABŞ və İranı dialoqu davam etdirməyə çağırıb

BMT Yaxın Şərqdə hərbi gücün artmasından son dərəcə narahatdır və ABŞ və İranı fikir ayrılıqlarını həll etmək üçün danışıqları davam etdirməyə çağırır.

APA xəbər verir ki, bu barədə BMT-nin sözçüsü Stefan Dujarrik mətbuata açıqlaması zamanı danışıb.

"Baş katib gördüyümüz hərbi güclənmə və hərbi təlimlərdən son dərəcə narahatdır. Həm İran İslam Respublikasını, həm də ABŞ-ı Omanın vasitəçiliyi ilə danışıqları davam etdirməyə çağırırıq", - o bildirib.