Şolts: İsrailin özünü müdafiə etmək hüququ var

Almaniya Kansleri Olaf Şolts İsrailin özünü müdafiə etmək hüququ olduğunu bildirib.

APA xəbər verir ki, bu barədə Almaniya Kansleri "X" hesabında paylaşımında qeyd edib.

"HAMAS 5 həftədən artıqdır ki, qadınları, qocaları, uşaqları girov saxlayır. Biz bütün girovların dərhal, qeyd-şərtsiz azad edilməsini tələb edirik! İsrailin özünü müdafiə etmək hüququ və vəzifəsi var".

Şolts eyni zamanda qeyd edib ki, Qəzzada humanitar fasilələr və mülki şəxslərin müdafiəsi çox vacibdir.