Putin Ərdoğanın terrorizmlə mübarizədə əməkdaşlığın aktivləşdirilməsi ideyasını dəstəkləyib

Rusiya Prezidenti Vladimir Putin türkiyəli həmkarı Rəcəb Tayyip Ərdoğanın terrorizmlə mübarizədə əməkdaşlığın aktivləşdirilməsi ideyasını dəstəkləyib.

APA-nın Moskva müxbiri xəbər verir ki, bu barədə Putin Ərdoğanla telefon danışığı zamanı bildirib.

Kremlin mətbuat xidməti Putin-Ərdoğan telefon danışığının təfərrüatlarını açıqlayıb. Bildirilib ki, Putin Türkiyə Prezidentinə başsağlığına görə təşəkkür edib və terrorizmlə mübarizədə əməkdaşlığın intensivləşdirilməsi ideyasını dəstəkləyib.