Bayden HƏMAS-ın girovları azad edəcəyinə inandığını bildirib

ABŞ Prezidenti Co Bayden HƏMAS-ın Qəzzada saxladığı girovları azad ediləcəyinə inandığını bildirib.

“Qafqazinfo” xarici KİV-ə istinadən xəbər verir ki, bu barədə Bayden Ağ Evdə jurnalistlərin suallarını cavablandırıb.

Bayden Qəzzada HƏMAS tərəfindən saxlanılan 200-dən çox girovun azad ediləcəyinə inandığını ifadə edib:

"Hər gün insanlarla bu barədə danışıram. Bunun olacağına inanıram, lakin hər hansı bir detal vermək istəmirəm", - deyə Bayden bildirib.

ABŞ Prezidenti əsirlərin ailələrinə də "Bir az daha gözləyin" deyib.