“Crocus”da terror aktında zərərçəkənlərin sayı 361-ə çatıb

“Crocus City Hall”da törədilən terror aktında zərərçəkənlərin sayı artaraq 361 nəfərə çatıb.

APA-nın Moskva müxbiri xəbər verir ki, xilasedicilər dağıntılar yerində işlərini davam etdirirlər.

Zərərçəkənlərin sayının belə kəskin artması insanların kütləvi şəkildə psixoloji yardıma müraciət etməyə başlaması ilə izah olunur. Bəzi hallarda pasiyentlər zərər çəkən sayılırlar.

Onların əksəriyyəti yuxusuzluqdan, narahatlıqdan və yaranan psixoloji travmadan şikayətlənir.