SEPAH Sirik adasına hücum xəbərindən sonra ABŞ hava bazasına zərbə endirdiyini bildirib

İran İslam İnqilabı Keşikçiləri Korpusu (SEPAH) bazar ertəsi səhər saatlarında ABŞ ordusunun Hörmüzqan əyalətinin Sirik adasında telekommunikasiya qülləsinə hücum etdiyini açıqlayıb. APA-nın Tehran bürosunun xəbərinə görə, məlumata əsasən, bundan sonra SEPAH-ın Aerokosmik Qüvvələrinin döyüşçüləri hücumun edildiyi hava bazasını hədəf alıb və müəyyən edilən hədəflər vurulub. SEPAH hücum təkrarlanacağı təqdirdə, cavabın tamamilə "fərqli olacağı" barədə xəbərdarlıq edib və bunun məsuliyyətinin ABŞ-ın üzərində olduğunu bildirib. Qeyd edək ki, açıqlamada hücumun vaxtı və nəticələri ilə bağlı əlavə detallara yer verilməyib.