Ukrayna iki S-400, radiolokasiya stansiyası və neft bazasına zərbə endirib

İyulun 6-na keçən gecə Ukrayna ordusu Rusiya ordusunun arxa cəbhəsində və əməliyyat dərinliyində yerləşən 47 qanuni hərbi hədəfə zərbələr endirib.

APA xəbər verir ki, bu barədə Ukraynanın Pilotsuz Sistemlər Qüvvələrinin komandanı Robert Brovdi “Telegram” kanalında məlumat yayıb.

Məlumata görə, Krımda elektrik enerjisinin tam kəsilməsinə səbəb olan enerji obyektlərinə zərbələrlə yanaşı, Azov dənizində Taqanroqdan Krıma benzin daşıyan iki tanker vurulub, quruda isə iki S-400 "Triumf" zenit-raket kompleksi, "Nebo-U" radiolokasiya stansiyası və Kerçdəki neft bazası hədəfə alınıb.