2023-cü ildə 0-17 yaş aralığında 190 nəfər şəxsdə talassemiya xəstəliyi aşkar edilib

2023-cü ildə həyatında ilk dəfə təyin olunmuş diaqnozla 385 talassemiya xəstəsi qeydə alınıb.

Bu barədə APA-nın sorğusuna cavab olaraq Dövlət Statistika Komitəsindən məlumat verilib. Bildirilib ki, onlardan 190 nəfəri 0-17 yaş aralığında olan şəxslərdir.

2023-cü ilin sonuna tibb müəssisələrində qeydiyyatda olan talassemiya xəstələrinin cəmi sayı 4916, onlardan 0-17 yaş aralığında olanların sayı isə 2361 nəfər olub.