Lerikdə 3 gündür bağlı qalan yol tam açılıb - FOTO

Lerik rayonunda bağlı qalan Çayrud kənd yolu bu gün tam olaraq açılıb.

Bu barədə APA-nın cənub bürosuna Çayrud kəndi üzrə icra nümayəndəsi İlkin Hüseynov məlumat verib.

İcra nümayəndəsinin sözlərinə görə, səhər saatlarından əraziyə xüsusi "Ruksun"texnikası gətirilib.

Həmin texnikanın vasitəsilə yolda qalan iri qaya parçaları partladılıb və yoldan kənarlaşdırılıb.

Hazırda yolda nəqliyyatın hərəkəti tam olaraq bərpa olunub.

Qeyd edək ki, 3 gün bundan öncə Lerik rayonunun Çayrud kəndində dağ uçqunu baş vermişdi.

Nəticədə rayonun Çayrud kəndinə gedən yol bağlı idi.