Zelenski Trampın Rusiyanın neft obyektlərinə hücum etməməklə bağlı istəyinə müsbət cavab verib

ABŞ prezidenti Donald Tramp ukraynalı həmkarı Volodimir Zelenskidən Rusiyadakı enerji infrastrukturuna hücum etməməyi istədiyini, Zelenskinin buna müsbəıt cavab verdiyini deyib.

Bununla bağlı “UNN” Donald Trampa istinadən xəbər verib.

Onun sözlərinə görə, Zelenski Trampın istəyinə cavab olaraq, Ukraynanın “yəqin ki” Rusiyadakı neft obyektlərinə zərbə endirməyəcəyini bildirib.

ABŞ prezidenti Ukraynanın hücumlarının Rusiyanın neft emalı qabiliyyətini, o cümlədən dizel yanacağı istehsalını azaltdığını və bunun da qlobal neft bazarında problemlərə səbəb olduğunu vurğulayıb.