Çində güclü zəlzələdə 116 nəfər öldü - Yenilənib

Çində 6,2 bal gücündə zəlzələ baş verib.

“Qafqazinfo” xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.

Zəlzələnin episentri təxminən 3 milyon insanın yaşadığı Lançjou şəhərindən (Qansu əyaləti) 101 km cənub-qərbdə yerləşib.

Yeraltı təkanlar 10 km dərinlikdə qeydə alınıb.

***

Qansu əyalətində baş verən zəlzələ nəticəsində 8 nəfərin öldüyü bildirilir.

***

Güclü zəlzələ nəticəsində ölənlərin sayı 86 nəfərə çatıb.

Bu barədə “Sinxua” xəbər agentliyi məlumat yayıb.

Bildirilib ki, 100-ə yaxın insan xəsarət alıb. Təbii fəlakətin təsiri bir neçə qonşu əyalətdə də hiss olunub.

***

Ölənlərin sayı 111, yaralıların sayı isə 236 nəfərə yüksəlib.

Bildirilib ki, hadisə nəticəsində ölənlərin sayının artacağı istisna edilmir. 

***

Zəlzələ nəticəsində ölənlərin sayı 116 nəfərə çatıb.