“Ənsar Allah” Qırmızı dənizdə gəmilərə hücumları davam etdirəcək

Yəmənin “Ənsar Allah” hərəkatı Qırmızı dənizdə ticarət gəmilərinə hücumları davam etdirəcəyini bildirib.

APA xəbər verir ki, bu barədə hərəkatın sözçüsü və baş təmsilçisi Mohamed Abdel Salam “Al Jazeera” telekanalına müsahibəsində bildirib.

Hərəkat rəsmisinin sözlərinə görə, “Ənsar Allah” üsyançı hərəkatına üzv olan husilər hər 12 saatdan bir Qırmızı dənizdə ticarət gəmilərinə hücum etmək niyyətindədirlər: “Dəniz əməliyyatlarına gəlincə, onlar tam sürətlə davam edir və ən azı 12 saatdan bir həyata keçiriləcək”.