Fransada terror aktı hazırlamaqda şübhəli bilinən 5 nəfər saxlanılıb

Fransanın şərqində terror aktı hazırlamaqda şübhəli bilinən 5 nəfər saxlanılıb.

APA xəbər verir ki, bu barədə "L'Est Republicain" qəzeti məlumat yayıb.

Nəşrin məlumatına görə, həbslər dekabrın 22-də günorta saatlarında Mert və Mozel departamentinin üç kommunasında eyni vaxtda həyata keçirilib.

Hadisənin araşdırılması Milli Antiterror Prokurorluğuna həvalə edilib.

Beş şübhəlinin hamısı barədə həbs qətimkan tədbiri seçilib.