Navalnının hansı cəzaçəkmə müəssisəsinə köçürüldüyü bəlli olub

Aleksey Navalnının hansı cəzaçəkmə müəssisəsinə köçürüldüyü bəlli olub.

APA xəbər verir ki, bu barədə Aleksey Navalnının sözçüsü Kira Yarmış "X" hesabında məlumat verib.

"Aleksey Navalnını tapdıq. O, hazırda Yamalo-Nenets Muxtar Dairəsinin Karp qəsəbəsində İK-3-dədir (cəzaçəkmə koloniyası -red.). Bu gün vəkili onun yanında olub. Alekseyin vəziyyəti yaxşıdır", o paylaşımında qeyd edib.

Qeyd edək ki, artıq 20 gün idi ki, Aleksey Navalnı barədə heç bir məlumat yox idi.