KİV: İsrailin Balata düşərgəsini atəşə tutması nəticəsində beş nəfər həlak olub

İsrail ordusu İordan çayının qərb sahilindəki Balata qaçqın düşərgəsini atəşə tutub.

APA xəbər verir ki, bu barədə Əl-Cəzirə telekanalı məlumat yayıb.

Hadisə nəticəsində beş nəfər həlak olub.

Mərmilər düşərgənin mərkəzində yerləşən binaya düşüb.

1950-ci ildə əsası qoyulan Balata qaçqın düşərgəsi Nablus şəhərinin şərqində yerləşir və Fələstin ərazilərindəki ən böyük düşərgələrdən biri hesab olunur.