Yaponiyanın kosmik aparatı Ay orbitinə buraxılıb

Yaponiyanın "SLIM" aya eniş aparatı Ay orbitinə uğurla buraxılıb və indi Yerin təbii peykinə gələcək eniş üçün hazırlaşacaq.

APA-nın məlumatına görə, bu barədə Yaponiya Aerokosmik Tədqiqatlar Agentliyi (JAXA) bildirib.

"Yaponiya Aerokosmik Kəşfiyyat Agentliyi (JAXA) böyük məmnuniyyətlə Ayın kəşfiyyatı üçün eniş modulunun (SLIM) Yaponiya vaxtı ilə saat 16:51-də Ayın orbitinə uğurla buraxıldığını elan edir", - deyə qeyd olunub.

Yerin təbii peykinin səthinə eniş gələn il yanvarın ortalarına planlaşdırılır.