Qəzzaya hər gün bu qədər yanacaq buraxılacaq - İsrail razılaşdı

İsrail Qəzza zolağına gündə iki yanacaq daşıyan yük maşınının girməsinə icazə verəcək.

“Qafqazinfo” BBC-yə istinadən xəbər verir ki, bunu ABŞ Dövlət Departamentinin rəsmisi Metyu Miller bildirib.

Onun sözlərinə görə, bununla da hər gün təxminən 140000 litr yanacaq Qəzzaya çatdırılacaq:

"Bunun böyük hissəsi yardım aparan yük maşınları üçün nəzərdə tutulub. Qalanı isə yanacaq çatışmazlığı səbəbindən kəsilmiş mobil telefon və internet xidmətləri üçündür".

Qeyd olunub ki, yeni yanacaq ehtiyatı Həmas-a çatmamaq şərti ilə BMT vasitəsilə Qəzza zolağının cənubundakı mülki əhaliyə Rəfah keçidi ilə gətiriləcək.

Xatırladaq ki, oktyabrın 7-dən bu günə qədər Qəzza zolağında həlak olanların sayı 12 mini keçib. Ölənlərin 5 mini uşaq, 3 min 300 nəfəri qadındır.