Koçaryanın cinayət işinə xitam verildi

İrəvan Ümumi Yurisdiksiya Məhkəməsi Ermənistanın ikinci prezidenti Robert Koçaryana qarşı iddia müddətinin başa çatması ilə bağlı cinayət işinə xitam verilməsi barədə qərar qəbul edib.

“Qafqazinfo” xarici KİV-ə istinadən xəbər verir ki, məhkəmə Robert Koçaryanın sərhədi keçməsinə qoyulan qadağanın, eləcə də əmlakının üzərinə həbs qoyulmasının aradan qaldırılması barədə də qərar verib.

Əlavə olaraq, məhkəmənin qərarı ilə girov pulu Koçaryana qaytarılıb.

Xatırladaq ki, Koçaryan 3 milyon dollar məbləğində rüşvət almaqda ittiham olunurdu.