Türkiyə Prezidenti: Türk Dövlətləri Təşkilatı hər gün güclənsə də, hələ də arzu edilən səviyyəyə çatmayıb

"“Qarabağdan, Qüdsdən bizə nə?" deyənlər Böyük Türkiyə yürüşünə əngəl olur”.

APA-nın Türkiyə müxbirinin verdiyi xəbərə görə, bu barədə Türkiyə Prezidenti Rəcəb Tayyib Ərdoğan bildirib.

O qeyd edib ki, İraq, Suriya, Qafqaz, Fələstin kimi ərazilər Türkiyə üçün könül çoğrafiyasıdır və ölkəsi burada addımlarını bu prinsipə əsasən atmağa davam edəcək.

Ərdoğan onu da əlavə edib ki, Türk Dövlətləri Təşkilatı hər keçən gün güclənsə də, hələ də arzu edilən səviyyəyə çatmayıb və Türkiyə bütün sahələrlə birlik və həmrəyliyi təmin etmək üçün səylər göstərir:

“Qarabağda əldə edilən nəticə, birlik və bərabərlik içində addımlar atmağın hansı nəticələrə nail olduğunu bizə göstərdi. Təəssüf hissi ilə deməliyəm ki, Qəzza məsələsində hələ ki, belə bir güc yarada bilmədik”.