“New York Times”: Tramp “Sülh Şurası”nda əsas fiqur olacaq

Qəzza üzrə “Sülh Şurası”ının nizamnaməsinə əsasən, ABŞ Prezidenti Donald Tramp veto hüququna malikdir.

APA xəbər verir ki, bu barədə “New York Times” məlumat yayıb.

Bildirilib ki, Tramp “Sülh Şurası”nın gündəliyinə nəzarət edir, hətta o, prezidentlik müddəti bitdikdən sonra belə şuraya rəhbərlik edə bilər.

Məlumata görə, Şuranın nizamnamənin 3.2-ci maddəsində açıq şəkildə qeyd olunur ki, Tramp bütün qərarlara veto qoymaq, gündəliyi müəyyənləşdirmək, yeni üzvləri dəvət etmək, şuranı tam buraxmaq və öz varisini təyin etmək səlahiyyətinə malik olacaq.