Pentaqon: ABŞ-ın müttəfiqləri özlərini müdafiə etməlidirlər

ABŞ-ın Avropa, Yaxın Şərq və Koreya Yarımadasındakı müttəfiqləri öz təhlükəsizliklərini qorumaq üçün əsas məsuliyyəti öz üzərlərinə götürməlidirlər.

APA xəbər verir ki, bu, Pentaqon tərəfindən cümə günü açıqlanan yeni ABŞ Milli Müdafiə Strategiyasında öz əksini tapıb.

“Bu məqsədlə ABŞ-ın Müdafiə Nazirliyi Avropada, Yaxın Şərqdə və Koreya yarımadasında müttəfiq və tərəfdaşların öz müdafiələrinə görə əsas məsuliyyəti üzərlərinə götürmələri üçün təşəbbüslərin gücləndirilməsini prioritet hesab edəcək və bu, ABŞ qüvvələrinin əsas, lakin məhdud dəstəyi ilə olacaq”, - strategiyada deyilir.