Rusiya–Çin arasında sərnişin qatarı 6 ildən sonra yenidən fəaliyyətə başlayır

Altı illik fasilədən sonra Rusiya və Çin arasında sərnişin qatarının fəaliyyəti bərpa olunur.

APA-nın Moskva bürosu xəbər verir ki, bu barədə Rusiya Dəmir Yolları (RJD) məlumat yayıb.

Bildirilib ki, Zabaikalsk-Mancuriya sərnişin qatarı 8 martda yola düşəcək.

Reys 2020-ci ildən bəri ilk dəfə bərpa olunacaq.

"Qatarlar həftədə iki dəfə: çərşənbə və bazar günləri hər iki istiqamətdə hərəkət edəcək. Səyahət müddəti təxminən 25 dəqiqədir", - Rusiya Dəmir Yolları bildirib.