Xocalı sakini: Yurda qayıtmağın sevincini sözlə ifadə etmək çətindir

Uzun illər idi yurd həsrəti ilə yaşayırdıq. Şükür Allaha həsrət başa çatıb. Çətin günlər geridə qalıb. Artıq biz doğma yurda qayıtmışıq.

Bu sözləri APA-nın Qarabağ bürosuna bu gün Xocalı şəhərinə qayıdan keçmiş məcburi köçkün Səyyarə Sadıqova deyib. Keçmiş məcburi köçkün onlara yaradılan şəraitə görə dövlət başçısına təşəkkürünü bildirib:

"Bizi hər şəraitlə təmin etdiyi üçün Prezidentimizə təşəkkür edirəm. Torpaqlarımızın azadlığı yolunda canlarını qurban vermiş şəhidlərimizə Allahdan rəhmət diləyirəm. Çox sevinirəm. Bunu sözlərlə ifadə etmək mümkün deyil".