İsrail HHQ Qəzzaya zərbə endirib, 7 fələstinli həlak olub

İsrail təyyarələrinin Qəzza zolağının mərkəzində yaşayış məntəqələrinə hücumu nəticəsində 7 fələstinli həlak olub.

APA-nın Livanın “Al Mayadeen” telekanalına istinadən verdiyi məlumata görə, İsrail Hərbi Hava Qüvvələrinə məxsus təyyarələr Fələstin anklavının mərkəzi hissəsində yerləşən Deyr əl-Bələh şəhərinin yaşayış məntəqələrinə silsilə zərbələr endirib.

Hücum nəticəsində üçü uşaq olmaqla 7 nəfər həlak olub.