Ukrayna təhlükəsizlik zəmanəti ilə bağlı İtaliya ilə saziş imzalaya bilər

Ukrayna üçün təhlükəsizlik zəmanəti ilə bağlı növbəti saziş İtaliya ilə imzalana bilər.

APA xəbər verir ki, bu barədə İtaliyanın “Formiche” nəşri mənbələrinə istinadən yazıb.

Nəşrin sözlərinə görə, sazişin bir sıra məqamları müzakirə edilir, yaxın zamanda yekunlaşdırılması gözlənilir, lakin sazişin imzalanacağı tarix dəqiq göstərilməyib.

Bildirilib ki, İtaliya Böyük Britaniya, Fransa və Almaniyadan sonra Ukrayna ilə uzunmüddətli təhlükəsizlik sazişi imzalayacaq.

Xatırladaq ki, İtaliya və Ukrayna rəsmilərinin ikitərəfli saziş bağlamaq üçün ilk görüşü ötən ilin 28 noyabrında baş tutub.